Në datat 19 dhe 20 mars, nga ora 14:00 deri në 17:00, në ambientet e UBT International Smart Schools në Kampusin e UBT-së në Lipjan, do të zhvillohet aktiviteti tradicional “Open Days”, i cili u dedikohet nxënësve, prindërve dhe të gjithë të interesuarve për të njohur më shumë mbi konceptin e Edukimit Smart.

Gjatë këtyre ditëve, vizitorët do të kenë mundësi të:

• informohen për programet arsimore,
• njihen me mundësitë e bursave që ofron UBT,
• bashkëbisedojnë me mësimdhënësit dhe stafin akademik,
• dhe të eksplorojnë hapësirat moderne dhe laboratorët interaktivë të shkollës.

“Open Days” synon të ofrojë një përvojë të drejtpërdrejtë për nxënësit që duan të bëhen pjesë e një institucioni inovativ, ku arsimi dhe teknologjia bashkohen për të ndërtuar gjeneratat e mençura – Smart Generation.